ભરૂચના સાંસદ અને વાગરાના ધારાસભ્ય દ્વારા કપાસની ખેતીમાં થયેલ નુકશાન બાબતે રજુઆત.

ભરૂચ જિલ્લામાં કપાસ પકવતા ખેડૂતોને હાલમાં કપાસની ખેતીમાં ‘ટુ ફોર ડી’ નામનાં રોગ તેમજ અન્ય રોગના કારણે મોટુ આર્થિક નુકશાન થઇ રહ્યુ છે. આ બાબતની રજૂઆત ખેડૂતો દ્વારા ભરૂચના સાંસદ મનસુખભાઇ વસાવા તેમજ વાગરાના ધારાસભ્ય અરૂણસિંહ રાણાને કરવામાં આવતા સાંસદ તથા ધારાસભ્ય દ્વારા આ બાબતે કેન્દ્ર તથા રાજય સરકારને રજૂઆત કરવામાં આવી છે. તેમજ આજરોજ બન્ને નેતાઓએ ભરૂચ કલેકટર કચેરી ખાતે રૂબરૂ જઇને જિલ્લા કલેકટર ડૉ. એમ.ડી.મોડીયા તેમજ જિલ્લા ખેતીવાડી અધિકારી ભરૂચની સાથે આ બાબતે ચર્ચા કરી હતી, અને ભરૂચ જિલ્લાના ખેડુતોને થયેલ પાકના નુકશાનનું સર્વે કરાવીને ખેડુતોના વિશાળ હિતમાં તાત્કાલિક યોગ્ય નિર્ણય લેવામાં આવે તેવી માંગ કરી હતી.

ગુલામહુશેન ખત્રી રાજપારડી જિ.ભરૂચ