અંકલેશ્વર રાજપીપળા ચોકડી ઓવરબ્રીજ પર ટ્રકમાં અચાનક આગ ભભૂકી ઉઠી.

પ્રાપ્ત માહિતી અનુસાર ગઇકાલે રાત્રિના સમયે અંકલેશ્વર રાજપીપળા ચોકડી ઓવરબ્રીજ પરથી પસાર થતી ટ્રક નં. RJ-04-GB-1274 માં અચાનક જ આગ લાગવાને પગલે બ્રીજ ઉપરથી પસાર થતા વાહન ચાલકોમાં ભય ફેલાયો હતો. થોડી જ ક્ષણોમાં આગે વિકરાળ સ્વરૂપ ધારણ કરી લીધું હતું અને ટ્રક ભડભડ બળવા લાગી હતી.

આ ઘટનાની જાણ અંકલેશ્વર DPMC ને કરાતા તાત્કાલીક બે જેટલા ફાયર ફાઇટરો ઘટના સ્થળે દોડી આવ્યા હતા અને પાણીનો મારો ચલાવી આગ પર કાબુ મેળવ્યો હતો. જોકે આ ધટનામાં કોઇ જાનહાની ન થતા સૌએ હાશકારો અનુભવ્યો હતો. પરંતું આખી ટ્રક બળીને ખાક થઈ ગઈ હતી. જોકે આ આગ કેવી રીતે લાગી તે હજુ જાણી શકાયું નથી. ઘટનાના પગલે અંકલેશ્વર શહેર પોલીસે ફરીયાદ નોંધી વધુ તપાસ હાથધરી છે.

મુકેશ વસાવા : અંકલેશ્વર