અંકલેશ્વર જીઆઇડીસી સ્થિત મુક્તિ ચોકડી પાસે આવેલ એમી એન્જિનીયરિંગ પ્લોટ નં. 723 કંપનીમાં આજરોજ દરમિયાન ત્રણ જેટલા ઈસમોએ એસ.એસ.સી લોખંડની શાપ્તિંગ કિંમત અંદાજે ૬૦ થી ૭૦ હજાર રૂપિયાની ચોરી કરી ફરાર થઇ ગયા હતા.
અંકલેશ્વર જીઆઇડીસીમાં ખાનગી કંપનીમાં સવારમાં જ ચોરી થતાં ખળભળાટ મચી જવા પામ્યો હતો. આ ઘટનાની જાણ પોલીસને કરતાં સીસીટીવીના આધારે તપાસના ચક્રો ગતિમાન કર્યા છે. આ ચોરી કરનારા ત્રણ ઈસમો કંપનીમાં લગાવેલા સીસીટીવી કેમેરામાં કેદ થઇ જવા પામ્યા હતા. જે બાદ આ ઘટનાની જાણ જીઆઇડીસી પોલીસને કરતાં કેમેરામાં કેદ થયેલા ફૂટેજના માધ્યમથી તપાસ હાથ ધરી છે.
મુકેશ વસાવા : અંકલેશ્વર
Advertisement
