અંકલેશ્વર તાલુકાના કોસમડી ગામની ઉમંગ લક્ષ્મી સોસાયટીમાં આવેલ બે મકાનોને તસ્કરોએ નિશાન બનાવ્યા હતા અને લાખોની મત્તાની ચોરી કરી ફરાર થઈ ગયા હતા.
આ બનાવ અંગે નોંધાયેલ પોલીસ ફરિયાદમાં ફરીયાદી અમિતાબહેન હિતેશ વસાવા ઘરકામ કરી પોતાનું ગુજરાન ચલાવે છે. જેઓ ગત તારીખ ૭ મી નવેમ્બરના રોજ બપોરના સમયે પોતાના પિયર સુરત ખાતે ગયા હતા. તે દરમિયાન તસ્કરોએ તેમના ઘરની પાછળની બારીની ગ્રીલ તોડી અંદર પ્રવેશ કર્યો હતો અને સોના-ચાંદીના ઘરેણા સહિત રોકડ રકમ મળી કુલ રૂ.૧ લાખ ૧૯ હજારથી વધુના મુદ્દામાલની ચોરી કરી ફરાર થઇ ગયા હતા. જ્યારે તસ્કરોએ સોસાયટીમાં રહેતા જીજ્ઞેશ વસાવાના મકાનને નિશાન બનાવી ચાંદી સહીત રોકડ મળી રૂ. ૬ હજારની ચોરી ફરાર થઇ ગયા હતા. આમ તસ્કરોએ એક જ સોસાયટીનાં બે મકાનમાંથી કુલ રૂ. ૧ લાખ ૨૫ હજારથી વધુનાં મુદ્દામાલની ચોરી કરી ફરાર થઇ ગયા હતા. ચોરી અંગે અંકલેશ્વર જીઆઈડીસી પોલીસ મથકમાં ફરિયાદ નોંધાવવા પામી છે.
મુકેશ વસાવા : અંકલેશ્વર
