છોટાઉદેપુર જિલ્લાના બોડેલી ખાતે આવેલ તપોવન વિદ્યાલય શાળામાં ધો-૮ માં અભ્યાસ કરતી વિદ્યાર્થીની નિષ્ઠાબેન સોલંકીએ બે જિલ્લાઓને સાંકળતી નિબંધ સ્પર્ધામા પ્રથમ ક્રમ મેળવતા શાળાનું ગૌરવ વધાર્યુ છે.
હાલમાં બરોડા ડેરી દ્વારા શ્વેત ક્રાંતિના પ્રણેતા ર્ડા. વર્ગીસ કુરિયનની ૧૦૦ મી જન્મ જયંતીની ઉજવણી કરવામાં આવી હતી, તેમાં છોટાઉદેપુર અને વડોદરા જીલ્લાને લગતી સંયુક્ત નિબંધ સ્પર્ધાનું આયોજન કરવામાં આવ્યુ હતુ. નિષ્ઠાબેન સોલંકી આ નિબંધ સ્પર્ધામાં પ્રથમ નંબરે આવતા તેણીએ શાળાનું તેમજ બોડેલી નગરનું ગૌરવ વધાર્યું હતું. નિબંધ સ્પર્ધામાં શ્રેષ્ઠ દેખાવ કરવા બદલ શાળાના મુખ્ય ટ્રસ્ટી વસંતાબા સોલંકી તેમજ શાળા પરીવાર તરફથી શુભેચ્છા પાઠવવામાં આવી હતી. ઉપરાંત વિદ્યાર્થીનીના પરિવાર દ્વારા તેણીને નિબંધ સ્પર્ધામાં ભાગ લેવા પ્રોત્સાહિત કરીને તેમજ માર્ગદર્શન આપનાર શિક્ષક ગણને અભિનંદન આપવામાં આવ્યા હતા.
ફૈજાન ખત્રી કલારાણી જિ.છોટાઉદેપુર
