વડોદરામાં એક મહિલાને મોબાઈલ ફોનમાં સતત મેસેજ કરી સતામણી કરતા શખ્સને પાણીગેટ શી ટીમે ઝડપી પાડયો છે.
વડોદરા શહેરમાં ઝોન-3 માં મહિલાઓ, યુવતીઓ અને વિદ્યાર્થીઓની સુરક્ષા અને સલામતી માટે હેરાનગતિ કરતા રોમિયોગીરી કરતા ટપોરીઓને પકડવા માટે તાજેતરમાં જ સૂચનાઓ આપવામાં આવેલ હોય જે અનુસંધાને ફરિયાદી બેનને મોબાઇલ ફોન પર મેસેજ કરી હેરાનગતી કરીને જાતીય સતામણી કરતો હતો. આ મામલે મહિલાએ પાણીગેટ પોલીસમાં ફરિયાદ આપી હતી જેમાં એક યુવાન હેરાનગતિ કરતો હોય તેવી વિગતો પ્રાપ્ત થતાં સી ડિવિઝન પોલીસે મહિલાની છેડતી કરતાં રોમિયોગીરી કરતા આરોપીઓને પકડી પાડવા માટે છટકું ગોઠવવામાં આવ્યું હતું, જેમાં પ્રભુનાથ રામકુમાર મિશ્રા રહે. 303 સ્વામિનારાયણ નિકેતન સોસાયટી એલ એન્ડ ટી નોલેજ સિટી પાસે, માધવપુરા, વાઘોડિયા રોડ, વડોદરા જેણે પોતાનું રહેણાંકનું સરનામું બદલી લીધેલ હોય તેમ છતાં પી આઈ કે પી પરમાર અને એમ આર રાઠવા દ્વારા મહિલાઓની જાતીય સતામણી કરતા આરોપીને આબાદ રીતે ઝડપી પાડવામાં આવ્યો હતો. પોલીસે આરોપી સમક્ષ ipc કલમ 354 મુજબનો ગુનો દાખલ કરી આગળની કાર્યવાહી હાથ ધરી છે.
