ઝઘડીયા તાલુકાના રાજપારડી ગામે દોશી સમાજનો સન્માન સમારોહ યોજાયો.

ભરૂચ જિલ્લાના ઝઘડીયા તાલુકાના રાજપારડી ગામે દોશી સમાજનો સન્માન સમારોહ યોજાયો હતો. દોશી સમાજ ચેરિટેબલ ટ્રસ્ટના નેજા હેઠળ મળેલ આ બેઠકમાં ધો.૧૦ અને ૧૨ ના ૧ થી ૩ ક્રમે પાસ થનાર તેજસ્વી વિધ્યાર્થીઓને ટ્રોફિ, સન્માનપત્રો તેમજ રોકડ પુરસ્કાર આપીને પ્રોત્સાહિત કરવામાં આવ્યા હતા. ઉપરાંત ધો.૧૦ અને ૧૨ ના અન્ય વિધ્યાર્થીઓને લેપટોપ બેગ આપી સન્માનિત કરાયા હતા. ઉપરાંત દોશી સમાજના ધો.૧ થી કોલેજ સુધીના સન ૨૦૨૦ માં અભ્યાસ કરેલ વિધ્યાર્થીઓને કુલ ૨૫૦૦ જેટલી નોટબુકોનું વિતરણ કરવામાં આવ્યુ હતુ. આ પ્રસંગે દોશી સમાજના પ્રમુખ હેમંતભાઇ દોશી દ્વારા વડોદરાના રમાબેન ટેલર અને દિપકભાઇ દોશીનું સન્માન કરવામાં આવ્યુ હતું. સમાજને ડિજિટલ માહિતિ મળી રહે તે હેતુસર દોશી સમાજ ચેરિટેબલ ટ્રસ્ટ દ્વારા વેબસાઇટ બનાવવામાં આવી છે તેની સમજણ ઉપસ્થિતોને આપવામાં આવી હતી.

ગુલામહુશેન ખત્રી રાજપારડી જિ.ભરૂચ