અંકલેશ્વર શહેર પોલીસ દ્વારા ભરૂચ જીલ્લા પોલીસ વડા રાજેન્દ્રસિંહ ચુડાસમા દ્વારા મળેલ સૂચના અનુસાર વધતાં જતાં ટુ વ્હીલર ચોરીનાં ગુનાઓ શોધી કાઢવાની કામગીરી કરવામાં આવતા અંકલેશ્વર શહેર પોલીસ સ્ટેશનનાં વિસ્તારમાં આવતા પ્રતિન ચોકડી પાસે પોલીસ પેટ્રોલીંગમાં હતી તે દરમિયાન મળેલ બાતમી અનુસાર અંકલેશ્વરથી અંસાર માર્કેટ તરફ જતી કાળા કલરની એક્ટિવા રોકી તે હાંકનારની પૂછપરછ કરી હતી. કાળા કલરની ટુ વ્હીલર એક્ટિવા નંબર વગરની જણાઈ હતી જેમને હવામહેલ પાસે લઈ જઈ એક્ટિવા હાંકનારની પૂછપરછ કરતાં તેની પાસે વાહન અંગેની વિગતો શંકાસ્પદ જણાઈ હતી. જયારે વધુ પૂછપરછ કરતાં તેને એક્ટિવા ચોરી કરી હોવાનું જણાવ્યુ હતું. આરોપીનું નામ રાજેન્દ્રકુમાર ઉર્ફે રાજુ પરબતસિંહ પટેલ ઉં.25 રહે.સદભાવ સોસાયટી.અંકલેશ્વર હોવાનું જણાયું હતું. પોલીસે હાલ એક્ટિવા કિં.રૂ.20000 જપ્ત કરેલ છે.
Advertisement
