ભરૂચ સક્રિય પત્રકાર સંઘ દ્વારા નિ:શુલ્ક મેડિકલ કેમ્પનું આયોજન કરાયું

ભરૂચ સક્રિય પત્રકાર સંઘ દ્વારા નિ:શુલ્ક મેડિકલ ચેકઅપ કેમ્પનું આયોજન કરવામાં આવ્યું હતું. સ્વસ્થ ભારત અભિયાન યોજના હેઠળ નિ:શુલ્ક મેડિકલ ચેકઅપ કેમ્પનું આયોજન મેપલ હોસ્પીટલ આર.કે. કાસ્ટા ભરૂચ ખાતે ભરૂચ સક્રિય પત્રકાર સંઘના સભ્યો, તેમના પરિવાજનો તેમજ મિત્રો માટે કરવામાં આવ્યું હતું.

આ કેમ્પમાં રેન્ડમ બ્લડ સુગર– ડાયાબિટીસ, ઓકસીઝન લેવલ, બ્લડ પ્રેસર, ઈલેકટ્રો કાર્ડીયોગ્રામ હદયની સ્વસ્થતા જેવી તપાસ કરવામાં આવી હતી. નિષ્ણાંત તબીબના કન્સલ્ટેશન સાથે હોસ્પીટલ વીઝીટનું પણ આયોજન કરવામાં આવ્યું હતું, જેમાં મેપલ હોસ્પીટલના ડાયરેકટર નરેન્દ્રભાઇ વ્યાસે હોસ્પીટલની સુવિધા તેમજ આયોજન અંગે માહિતી આપી હતી. આ કેમ્પને સફળ બનાવવા પી.આર.ઓ.અને ઇવેન્ટ ચેરમેન જગદીશ સેડાલા તેમજ મંત્રી જીતેન્દ્ર રાણાએ ભારે જહેમત ઉઠાવી હતી. આગામી દિવસોમાં મેપલ હોસ્પીટલ દ્વારા સક્રિય પત્રકાર સંઘના માધ્યમથી આ રીતે નિ:શુલ્ક મેડિકલ ચેકઅપ કેમ્પનું આયોજન કરવામાં આવનાર છે. પ્રથમ સેશનમાં યોજાયેલ આ કેમ્પનું બીજું સેશન પણ યોજાશે, જેમાં ભરૂચ સક્રિય પત્રકાર સંઘના બાકી સભ્યો તથા તેમના પરિવારજનો તેનો લાભ લઈ શકશે. આવનારા દિવસોમાં ક્યારે બીજું સેશન યોજાશે તેની માહિતી સંઘના પત્રકારોને ઇવેન્ટ ચેરમેન દ્વારા આપવામાં આવશે.