ભરૂચ.
નેત્રંગ પોલીસ સ્ટેશનનો સ્ટાફ પેટ્રોલિંગમાં હતો. તે વેળાં તેમને ચોક્કસ બાતમી મળી હતી કે, કાંટીપાડા ફોરેસ્ટ કંપની ગામે રમણ અમરસંગના ઘર પાસે લાઇટના અજવાળે કેટલાંક શખ્સોએ જુગારની મહેફિલ જમાવી છે. જેના પગલે ટીમે સ્થળ પર દરોડો પાડ્યો હતો. પોલીસને જોઇને જુગારિયાઓમાં દોડધામ મચી ગઇ હતી. જોકે, પોલીસે તેમનો પિછો કરી તે પૈકીના પરવેશ ઉર્ફે પરેશ વસાવા તેમજ દિનેશ ભોગીલાલ વસાવા ( બન્ને રહે. ઝરણા, ફોરેસ્ટ કંપની ) હોવાનું માલુમ પડ્યું હતું. ટીમે સ્થળ પરથી દાવપર લાગેલાં તેમજ અંગઝડતીમાંથી રોકડા રૂપિયા જપ્ત કર્યાં હતાં. ટીમે ત્યાંથી ભાગી ગયેલાં અન્ય ત્રણ જુગારિયાઓની વિગતો પુછતાં તેમના નામ કિશન વસાવા, બળદેવ મંગા વસાવા તેમજ સતિષ વસાવા (ત્રણેય રહે. કાંટીપાડા) હોવાનું માલુમ પડ્યું હતું. બનાવ સંદર્ભે નેત્રંગ પોલીસે ગુનો નોંધી આગળની કાર્યવાહી હાથ ધરી છે.
