માંગરોળ તાલુકાની ઝંખવાવ ગ્રામ પંચાયતમાં સતત ચોથીવાર ગફૂરભાઈ બક્ષુભાઈ મુલતાની ઉપ સરપંચ પદે બિન હરીફ વિજેતા થયા છે. ઝંખવાવ ગ્રામ પંચાયતમાં સરપંચ પદે સતત ચોથીવાર વિજેતા બનેલા સંગીતાબેન ઉમેદભાઈ ચૌધરીની અધ્યક્ષતામાં ઉપ સરપંચની ચૂંટણી માટે સામાન્ય સભા યોજાઈ હતી જેમાં ઉપ સરપંચ પદ માટે ગફૂરભાઈ બક્ષુભાઈ મુલતાની એ ઉમેદવારી નોંધાવી હતી જેની સામે અન્ય કોઈ ઉમેદવારે ઉમેદવારી નહીં નોંધાવી તમામ સભ્યોએ સમર્થન જાહેર કરતા તેઓ ઉપ સરપંચ પદે બિન હરીફ વિજેતા બન્યા હતા.
આ પ્રસંગે વિજેતા પેનલના કન્વીનર અને પૂર્વ તાલુકા પંચાયતના ઉપપ્રમુખ ઉમેદભાઈ ચૌધરી ઉપસ્થિત રહ્યા હતા તેમણે ગામમાં એકતા શાંતિ સંપ સહકારથી ગામને વિકાસના પંથે આગળ વધારવાની શાસકો વતી ખાતરી આપી હતી સરપંચ સંગીતાબેન અને ઉપસરપંચ ગફુરભાઈ મુલતાનીને ગ્રામજનો આગેવાનો એ સતત ચોથીવાર ઝંખવાવ ગ્રામ પંચાયતનું સુકાન સંભાળવા બદલ હાર તોરા કરી અભિનંદન આપ્યા હતા.
વિનોદ મૈસૂરિયા : વાંકલ
