સુરતના પાંડેસરા મારૂતિ ઇન્ડસ્ટ્રીઝ નજીક પાર્ક કરેલી ગાડીની સીટ પર મૂકેલા રોકડા રૂપિયા દસ્તાવેજ ભરેલી બેગ ગઠિયાઓ ઉઠાવી ગયા હોવાની ફરિયાદ પોલીસ ચોપડે દાખલ થઈ છે.

સુરત શહેરના પાંડેસરા પોલીસ મથકમાં આજે પાનનો ધંધો કરતાં વિનોદ ખુરાનાએ આપેલી ફરિયાદમાં તેઓ પોતાની કાર લઈને પાંડેસરા GIDC માં આવેલ મારૂતિ ઇન્ડસ્ટ્રીઝમાં કામ અર્થે ગયા અને દરમ્યાન બહાર તેમણે સીટ ઉપર તેમણે રોકડા રૂ.1,25,000 રોકડા તેમજ જરૂરી કાગળોવાળી બેગ મૂકી હતી તે કોઈક ચોર ઇસમોએ કારનો કાચ તોડીને બેગ લઈ ફરાર થઈ ગયા હતા. જોકે બેગ નજીક આવેલા લક્ષ્મી ટેક્ષટાઇલ્સ પાર્ક પાસે ખાલી કરી મૂકી ગયા આ અંગે પાંડેસરા પોલીસ મથકમાં ફરિયાદ આપતા પોલીસે દાખલ કરી વધુ તપાસ પાંડેસરા પોલીસ મથકના પી-આઇ આર-આર આહીર ચલાવી રહ્યા છે.