સુરતમાં છોટા રાજન ગેંગના ધર્મેન્દ્ર પંજાબીએ વેપારી પાસે માંગી ખંડણી બે ઝડપાયા.

સુરતમાં વેપારીને ધમકી આપી ખંડણી માંગનાર છોટા રાજની ગેંગ સાથે સંકળાયેલ ધર્મેન્દ્ર પંજાબી અને અનિલ કાઠીને ઉમરા પોલીસે ઝડપી લીધા હતા.
સુરતમાં ગુનાખોરી હદ વટાવી રહી છે. લૂંટ-ધાડ ચીલ ઝડપ જેવી ધટનાઓથી સુરતની પ્રજા હેરાન છે ત્યાં જ એ અન્ડર વલ્ડની ગેંગ પણ સુરતમાં સક્રિય થઈ છે. જેમાં હવે અન્ડર વલ્ડના ડોન છોટા રાજન ગેંગના માણસો સુરતમાં સક્રિય થયા છે. જેમાં સુરતના ઉમરાનાં વેસુગામનાં વેપારીને છોટા રાજન ગેંગના ધર્મેન્દ્ર પંજાબીએ અનિલ કાઠીયાએ લાખો રૂપિયાની ખંડણી માંગી હતી. જેમાં આ મામલે ઉમરા પોલીસ મથકમાં વેસુનાં વેપારી દ્વારા ધર્મેન્દ્ર પંજાબી અને અનિલ કાઠી સામે ફરિયાદ આપતા પોલીસે તેમની ધરપકડ કરીને આ મામલે તપાસ શરૂ કરી છે. આમ અન્ડર વલ્ડ ડોનનાં માણસો સુરતમાં સક્રિય થયા છે.