વડોદરા જિલ્લાના કરજણ નગરના જુનાબજાર વિસ્તારમાં આવેલી વલી નગરીમાં એક મકાનમાં જુગાર રમતા જુગારીઓને કરજણ પોલીસે ઝડપી પાડતા જુગાર રમતા જુગારીઓમાં ફફડાટ વ્યાપી જવા પામ્યો છે. પોલીસ સૂત્રોના જણાવ્યા અનુસાર કરજણ ટાઉનના જુનાબજાર વિસ્તારમાં આવેલી વલી નગરીમાં એક મકાનમાં કેટલાક જુગારીઓ જુગાર રમી રહ્યા છે જેવી બાતમી પોલીસને મળી હતી.
પોલીસે બાતમીના આધારે છાપો મારતા અરવિંદભાઈ સોમાભાઈ વસાવા પોતાના કબજા ભોગવટાના મકાનમાં બહારથી માણસો બોલાવી જુગાર રમાડતો હતો. પોલીસે સ્થળ પરથી નવ જુગારીઓને ઝડપી પાડી રૂપિયા ૪૮,૨૫૦ નો મુદ્દામાલ ઝડપી પાડી જુગારધારા એક્ટ હેઠળ કરજણ પોલીસ મથકમાં ગુનો દાખલ કર્યો હતો.
Advertisement
