ભરૂચ જિલ્લામાં મિલકત સંબંધી ગુનાઓ ઉકેલવા ઉચ્ચ પોલીસ અધિકારીઓ તરફથી મળેલ સુચનાના અનુસંધાને રાજપારડી પીએસઆઇ જે.બી.જાદવ પોલીસ ટીમ સાથે આજરોજ પોલીસ સ્ટેશન વિસ્તામાં વહેલી સવારે પેટ્રોલિંગમાં હતા ત્યારે તે દરમિયાન બાતમી મળ્યા મુજબ ૨૦૧૬ ની સાલથી મોટરસાયકલ ચોરીમાં સંડોવાયેલ નાસતો ફરતો આરોપી ચેતનભાઇ જયંતીભાઇ વસાવા રહે.ગામ ડભાલ,તા.ઝઘડીયા, જિ.ભરૂચનો રાજપારડી ચાર રસ્તા ખાતેથી ઝડપાયો હતો.
મળતી વિગતો મુજબ આ આરોપી ૨૦૧૬ ની સાલમાં રાજપારડી પોલીસ મથકે નોંધાયેલ ગુના હેઠળ પોલીસ પકડથી દુર રહીને નાસતો ફરતો હતો. રાજપારડી પોલીસે આ કથિત આરોપીને ઝડપી લઇને કોરોના મહામારી અંતર્ગત તેનો કોવિડ ટેસ્ટ કરાવીને આગળની કાર્યવાહી હાથ ધરી હતી. ઉલ્લેખનીય છે કે ભરૂચ જિલ્લામાં છેલ્લા કેટલાક સમયથી વાહન ચોરીના વણઉકેલ્યા ગુના શોધી કાઢવામાં પોલીસને સફળતા મળી રહી છે.
ગુલામહુશેન ખત્રી રાજપારડી જિ.ભરૂચ
