આજે ૭૩ મા પ્રજાસત્તાક દિનની ઝઘડીયા ખાતે પરંપરાગત ઉમંગ અને દેશભક્તિના માહોલ વચ્ચે ઉજવણી કરવામાં આવી હતી. ઝઘડીયા સેવાસદન ખાતે નાયબ કલેક્ટર પી.એલ.વિઠાણીના હસ્તે ધ્વજવંદન કરવામાં આવ્યું હતું. પોલીસ સ્ટેશન ખાતે પીઆઇ પી.એચ.વસાવાએ ધ્વજવંદન કર્યુ હતું. તાલુકા પંચાયત ખાતે તાલુકા પ્રમુખ રીનાબેન વસાવાના હસ્તે ધ્વજવંદન કરવામાં આવ્યું. ગ્રામ પંચાયત કાર્યાલય ખાતે સરપંચ સુરેશભાઈ વસાવાના હસ્તે જ્યારે મીશન સ્કુલ ખાતે ઝઘડીયાના ઉપ સરપંચ વિનોદભાઇ વસાવાના હસ્તે ધ્વજવંદન કરવામાં આવ્યું હતું. ઝઘડીયા તાલુકાના વિવિધ ગામોએ ગ્રામ પંચાયતો ઉપરાંત શાળાઓમાં પ્રજાસત્તાક પર્વ પરંપરાગત હર્ષોલ્લાશથી મનાવાયું હતું. ધ્વજવંદન નિમિત્તે યોજાયેલ કાર્યક્રમોમાં અગ્રણીઓએ પ્રજાસત્તાક પર્વનું મહત્વ વર્ણવ્યું હતું.
ગુલામહુશેન ખત્રી રાજપારડી જિ.ભરૂચ
Advertisement
