સુરત ખાતે એક સંસ્થા દ્વારા હિજાબના સમર્થનમાં આયોજકો દ્વારા આઈપી મિશન સ્કૂલથી ચોક બજાર સુધી હિજાબ રેલીનું આયોજન કરવામાં આવ્યું હતું. પરંતુ પોલીસ દ્વારા રેલી યોજાય તે પૂર્વે જ રેલીના આયોજકોને નજર કેદ કરવામાં આવ્યા હતા. રેલીના સમર્થનમાં મોટી સંખ્યામાં મહિલાઓ ભેગી થતાં કોઈ અનિચ્છનિય ઘટના ન બને તેની તકેદારીના ભાગરૂપે સ્થાનિક પોલીસ દ્વારા આઈપી મિશન સ્કૂલ અને આસપાસના વિસ્તારમાં સઘન બંદોબસ્ત કરવામાં આવ્યો હતો.
કર્ણાટકથી શરૂ થયેલા હિજાબનો વિવાદ હવે સુરત પહોંચ્યો હોય તેમ સુરત ખાતે પણ એઆઈએમઆઈએમ દ્વારા આજે બપોરે હિજાબના સમર્થનમાં રેલીનું આયોજન કરવામાં આવ્યું હતું. જોકે, પોલીસ દ્વારા રેલીને પરવાનગી ન આપતા ચોક બજાર મુગલીસરા રોડ પર કેટલીક મહિલાઓ ભેગી થતાં 20 જેટલી મહિલાઓની અટકાયત કરાઇ હતી.
Advertisement
