લીંબડી તાલુકા પંચાયતમાં પદાધિકારીઓ, અધિકારીઓ તેમજ કર્મચારીઓ એક પરિવાર બનીને મળી કામગીરી કરે છે ત્યારે વર્ગ 4 ના કર્મચારી વિનુભાઈ પરમાર પોતાની વય મર્યાદાથી નિવૃત્ત થતાં આજરોજ આ વિનુભાઈ પરમારનો વિદાય સમારોહ યોજાયો હતો.
જેમાં લીંબડી તાલુકા પંચાયત પ્રમુખ કૃષ્ણસિંહ રાણાએ તેમજ લીંબડી તાલુકા પંચાયતના તાલુકા વિકાસ અધિકારી સહિતના સ્ટાફે વિનુભાઈને શ્રીફળ, પડો તેમજ સાલ ઓઢાડી સન્માનિત કરવામાં આવ્યા હતા તેમજ નિવૃત્ત કર્મચારીને મોમેન્ટો આપવામાં આવી હતી ત્યારે આ સમયે નિવૃત્ત કર્મચારીના પરિવારજનો તાલુકા પંચાયત પ્રમુખ કૃષ્ણસિહ રાણા, ઉપપ્રમુખ વિક્રમભાઈ વડેખણીયા, ટીડીઓ અરવિંદભાઈ પારધી, હરદેવસિંહ ઝાલા, તલાટી મંડળના પ્રમુખ કિશોરસિંહ રાણા તેમજ લીંબડી તાલુકા પંચાયતના અધિકારી કર્મચારીઓ હાજર રહ્યા હતા અને આ સમગ્ર કાર્યક્રમનું આયોજન જયદિપસિંહ ઝાલા અને કર્મચારીઓ દ્વારા કરવામાં આવ્યું હતું અને આ કાર્યક્રમનુ સંચાલન હરદેવસિંહ ઝાલાએ કર્યું હતું.
કલ્પેશ વાઢેર સુરેન્દ્રનગર
