માંગરોળ તાલુકાના નાની નરોલી ગામના મોગલાણી ફળિયામાં તીન પત્તીનો જુગાર રમતા ચાર ઇસમોને પોલીસે રૂપિયા ૨૧,૯૫૦ ના મુદ્દામાલ સાથે ઝડપી પાડયા હતા જ્યારે ચાર ઈસમો ભાગી છુટતા તેઓને પોલીસે વોન્ટેડ જાહેર કર્યા છે.
માંગરોળના પોલીસ સબ ઇન્સ્પેક્ટર પરેશકુમાર નાયીને બાતમી મળી હતી કે નાની નરોલી ગામના મોગલાણી વસાવા ફળિયામાં કેટલાક ઇસમો તીન પત્તીનો જુગાર રમી રહ્યા છે. આ બાતમીને આધારે પોલીસ કર્મચારીઓ અમૃતભાઈ ધનજીભાઈ, વિપુલભાઈ વિક્રમભાઈ, પ્રદીપભાઈ જશવંતભાઈ વગેરે ની ટીમે રેડ કરતા સ્થળ ઉપર જુગાર રમી રહેલા ઉમર ફારૂક સબીર ભોરાત, રહે નાની નરોલી, શાદીક કરીમ પઠાણ, રહે ડુંગરી, ભગુભાઈ દિવાસીયાભાઈ વસાવા રહે નાની નરોલી, બાબુભાઈ ઠાકોરભાઈ વસાવા રહે નાની નરોલીને ઝડપી પાડયા હતા જ્યારે અન્ય ચાર ઈસમો નટવરભાઈ મોહનભાઈ વસાવા, મનહરભાઈ વાંધલાભાઈ વસાવા, મોહમ્મદ રસીદ પટેલ, શીવાભાઈ શંકરભાઈ વસાવા તમામ રહે નાની નરોલીને પોલીસે વોન્ટેડ જાહેર કર્યા છે. સ્થળ ઉપરથી પોલીસે રૂપિયા ૨૧,૯૫૦ તેમજ જુગારના પાના સહિતનો મુદ્દામાલ કબજે લીધો હતો.
વિનોદ મૈસુરિયા : વાંકલ
