વડોદરા જિલ્લાના કરજણ પોલીસ મથકમાં મહિલા સુરક્ષા સેતુ અંતર્ગત મહિલા સુરક્ષા સમિતિની એક બેઠક કરજણ નગર સહિત તાલુકાના ગ્રામીણ વિસ્તારની સુરક્ષા સમિતિની મહિલાઓની હાજરીમાં યોજાઇ હતી. આયોજિત બેઠકમાં મહિલાઓની સમસ્યાઓ વિશે વિસ્તૃત છણાવટ સાથે ચર્ચા કરવામાં આવી હતી. બેઠકનો મુખ્ય હેતુ સાંપ્રત આધુનિક યુગમાં મહિલાઓ પર જે અત્યાચારો થાય છે એ માટેનો હતો.
હાલમાં જે નવી પરિસ્થિતિ સર્જાઈ છે તે અને પોલીસ અને પ્રજા વચ્ચે સુરક્ષા સમનવય થઈ શકે, મહિલાઓને કઈ રીતે જાગૃત થઈ શકે અને મહિલાઓ વિશે જે કાયદાઓ છે અને પોલીસ મહિલાઓને કઈ રીતે મદદરૂપ બની શકે એ વિશે વિસ્તૃત છણાવટ સાથે ચર્ચા કરવામાં આવી હતી. આયોજિત બેઠકમાં કુમોદ બેન જે. પટેલ, હિનાબેન પટેલ, વિલાસ બેન નટુભાઈ, અર્ચના બેન ઠાકોર તેમજ મહિલા મંડળની સદસ્યાઓ ઉપસ્થિત રહ્યા હતા.
યાકુબ પટેલ, કરજણ
Advertisement
