નડિયાદના નાગરવાડા ઢાળ પાસેના એક ફ્લેટમાં મોબાઈલનું ટાવર નાંખવામાં આવતા આ વિસ્તારના રહેવાસીઓએ જિલ્લા કલેકટર કચેરીએ જઈ અહીં ટાવર નાંખવાનો વિરોધ કરી આવેદનપત્ર પાઠવ્યું છે.
નડિયાદના નાગરવાડા પાસેના સાગર એવન્યુ એપાર્ટમેન્ટમાં મોબાઈલનું ટાવર નાંખવાનું નક્કી કરાતા આ વિસ્તારના રહેવાસીઓ ખેડા જિલ્લા કલેકટર સમક્ષ લેખિતમાં આવેદનપત્ર પાઠવી રજુઆત કરી છે કે અહીં ટાવર ન નાંખવામાં આવે આ કામગીરીને રોકવા માટેના પ્રયત્ન આ વિસ્તારના સ્થાનિક રહેવાસીઓએ કર્યા હતા અને ટાવરની કંપનીના લોકોને અને કારીગરોને માલસામાનને લઈ જતા રોકવામાં આવ્યા હતા. મોબાઇલના ટાવરનું કામ હાલના સંજોગોમાં રહેવાસીઓએ અટકાવ્યું છે અને નગરવાડા વિસ્તારમાં આ ટાવર નાંખવામાં ન આવે તેવી માંગ જિલ્લા કલેકટર સમક્ષ ફ્લેટના રહીશોએ કરી છે.
નરેશ ગનવાણી : નડિયાદ
Advertisement
