નિર્ભયા ટીમની મહિલા પોલીસનું અકસ્માતમા અવસાન થતાં જિલ્લા પોલીસ વડાએ પરિવારને સહાય કરી મદદરૂપ થયાં હતા. જેમાં વર્ષાબેનના પિતા ગોસ્વામી ડુંગરપુરીને રૂપિયા બે લાખ દસ હજાર રોકડા સહાય આપી મદદરૂપ થયા હતા.
પ્રાપ્ત માહિતી અનુસાર નર્મદા પોલીસ અધિક્ષક હિમકરસિંહ દ્વારાનિર્ભયા ટીમમાં ફરજ બજાવતા મહિલા પોલીસ લોકરક્ષક ગોસ્વામી વર્ષાબેન ડુંગરપુરીનું તારીખ 9/12/2021 રોજ પેટ્રોલિંગ કરતી વખતે વાહન અકસ્માતમાં દુખદ અવસાન થયું હતું તેમના પરિવાર માટે દુઃખ નું પહાડ તૂટી ગયો હતો કેમ કે એમના પરિવારમાં કમાવવાવાળું બીજુ કોઈ નથી. આવા સમયે નર્મદા પોલીસ અધિક્ષક હિમકરસિંહ પરિવારના પડખે ઊભા રહી નર્મદા પોલીસ પરિવાર દ્વારા વર્ષાબેનના પિતા ગોસ્વામી ડુંગરપુરીને રૂપિયા બે લાખ દસ હજાર રોકડા સહાય આપી ગરીબ પરિવારને મદદરૂપ થયા. ખરેખર પોલીસ અધિક્ષકે ગરીબોના મસીહા બનીને ખૂબ જ ઉત્તમ કાર્ય કર્યું હતું.
જ્યોતિ જગતાપ, રાજપીપલા
