નડિયાદ એક્સપ્રેસ હાઇવે ટોલનાકાથી ડાકોર તરફ જવાના રોડ પર તા.૩૧ મી રાત્રિના ૧.૩૦ કલાકે ટ્રકમાં બેઠલા સ્ટીલ ફેક્ટરીના શ્રમજીવીને નડિયાદ નજીક ડાકોર પર ઉપર ઉતારીને તેને મારમારીને રોડની સાઇડમાં ખેતરમાં દોરડાથી બાંધીને લોખંડ ભરેલી ટ્રક સહિત રૂ. ૭૨ લાખના મુદ્દામાલની લૂંટ ચલાવીને ટ્રક ચાલક સહિત પાંચ ઇસમો ફરાર થઇ ગયા હતા. અમદાવાદના ઓઢવમાં આવેલ મણીભદ્ર સ્ટીલ ફેકટરી માંથી ૨૫ ટન લોખંડ ભંગાર ભરીને એક ટ્રક હાલોલ જવા નીકળી હતી. આ બનાવ સંદર્ભે ટ્રકમાં બેઠલ અને ઇજાગ્રસ્ત સ્ટીલ ફેક્ટરીના શ્રમજીવી રીન્કુભાઈ જગરૂપભાઇ શર્માની ફરિયાદના આધારે નિડયાદ શહેર પોલીસે લૂંટ ચલાવનાર ટ્રક ચાલક અમરસિંહ સહિત પાંચ ઇસમો વિરૂદ્ધ લૂંટનો ગુનો નોંધીને આગળના કાર્યવાહી હાથ ધરી છે.
નરેશ ગનવાણી : નડિયાદ
Advertisement
