સમગ્ર ગુજરાત રાજ્યમાં તમામ જિલ્લા મથકોમાં જિલ્લા પોલીસ વડાની બદલીઓ થઈ હતી જે અંતર્ગત ભરૂચમાં જિલ્લા પોલીસ વડા તરીકે આજે ડૉ.લીનાબેન પાટીલ એ ચાર્જ સંભાળ્યો હતો ત્યારે ભરૂચ સક્રિય પત્રકાર સંઘના સભ્યો તેમની શુભેચ્છા મુલાકાતે ઉપસ્થિત રહ્યા હતા.
આ તકે ભરૂચના સંઘના સભ્યોએ જણાવ્યું હતું કે નવા નિમાયેલા એસ.પી. ને અમારી રજૂઆત છે કે પત્રકારોને સમાચારની આપ-લે માં અગવડતા પડે છે તેને નિવારવાની રજૂઆત કરેલ છે, તે અંગે જિલ્લા પોલીસ વડાએ હકારાત્મકતા દર્શાવી છે. તેમજ પત્રકારોને પડતી અગવડતાઓ દૂર કરવાની ખાત્રી આપેલ છે. તેમજ ભરૂચ શહેરમાં કાયદો અને વ્યવસ્થા જળવાય રહે તે માટે પણ પ્રયત્નશીલ રહેશે.
Advertisement
