નડિયાદમાં ડભાણ ભાગોળ વિસ્તારમાં બપોરે એક આઈસર ટ્રક રિવર્સ લઈ રહી હતી ત્યારે આવેલ સ્ટ્રીટ લાઈટ અને સીસીટીવીના થાંભલાને અડફેટે લીધા હતા. જેના કારણે આ બંને પોલ જમીન દોસ્ત થયા હતા. જોકે આ સમયે આ વિસ્તારમાં વધુ ચહલપહલ નહોતી. જેના કારણે મોટી દુર્ઘટના થતાં ટળી હતી.
ઘટના સમયે જો કોઇ વાહનચાલક અથવા તો રાહદારી અહિયાં હોત તો મોટી જાનહાનિ સર્જાત. ઘટનાની જાણ તુરંત એમ.જી.વીસીએલ વિભાગને જાણ કરવામાં આવતા વિભાગ કર્મીઓ ઘટના સ્થળે દોડી આવી કામગીરી હાથ ધરી હતી. આ બનાવમાં સીસીટીવી કેમેરા તથા તેની લાઈટને નુકસાન પહોંચ્યું હતું.
Advertisement
નરેશ ગનવાણી : નડિયાદ
