ભરૂચના ભોલાવ વિસ્તારમાં આવેલ કોલેજ માર્ગ થી આગળ ડી માર્ટ સામે શાકભાજી ભરેલ એક રિક્ષાનો ચાલક પોતાની રીક્ષા લઈ નજીક માં આવેલ કાંસ ઉપર પાર્ક કરી હોટલ માં કામ અર્થે ગયા હતા તે દરમિયાન અચાનક રીક્ષા કાંસમાં ઉતરી જતા લોકોમાં દોડધામ મચી હતી.
અચાનક કાંસમાં ઉતરેલ રિક્ષાને ક્રેનની મદદ વડે બહાર કાઢવાની ફરજ પડી હતી,અંદાજીત પાંચ ફૂટ ઉંડી કાંસમાં રીક્ષા ઉતરી જતા એક સમયે મામલો લોકોમા ચર્ચાનું કેન્દ્ર બન્યું હતું,કાંસ ઉપર તકલાદી કામગીરી ને લઈ રીક્ષાનું વજન ન વેઠી શકતા ઘટના બની હોવાનું ચર્ચાઈ રહ્યું છે,જોકે સમગ્ર ઘટનામાં સદનસીબે કોઈ જાનહાની ન થતા ઉપસ્થિત લોકોએ હાશકારો અનુભવ્યો હતો,તેમજ રીક્ષા ચાલક ને આ અકસ્માત ના પગલે મોટું નુકશાન થયું હતું.
Advertisement
હારૂન પટેલ : ભરૂચ
