વડોદરા જિલ્લાના કરજણ નગર નવાબજાર વિસ્તારમાં આવેલ વૃંદાવન સોસાયટી ના ૧૧ અને ૧૪ નંબરના મકાનમાં ગતરાત્રીના તસ્કરોએ મકાનના મકાનના તાળા તોડી ઘરમાંથી સોના ચાંદીના દાગીનાની ચોરી કરી પલાયન થઇ જતા રહીશોમાં ફફડાટ વ્યાપી જવા પામ્યો છે.
પ્રાપ્ત માહિતી અનુસાર કરજણ નગરના નવાબજાર વિસ્તારમાં આવેલી વૃંદાવન સોસાયટીમાં આવેલા મકાન નંબર ૧૧ અને ૧૪ જે મકાન બંધ હતા તેને તસ્કરોએ નિશાન બનાવ્યા હતા. તસ્કરોએ ઉપરોક્ત બન્ને બંધ મકાનોના તાળા તોડી અંદર પ્રવેશી હજારોની સોના ચાંદીના દાગીનાની ચોરી કરી ફરાર થઈ ગયા હતા. નગરમાં તસ્કરો સક્રિય થતા પોલિસ પેટ્રોલિંગના ધજાગરા જોવા મળી રહ્યા છે. નગરમાં પોલીસ પોઈન્ટથી માત્ર 200 થી 300 મીટર દૂર એક સાથે બે મકાનોમાં ચોરી થતા પોલિસ પેટ્રોલિંગ પર નગરજનો સવાલો ઉઠાવી રહ્યા છે.
યાકુબ પટેલ, કરજણ
Advertisement
