વડોદરા શહેરની મહારાજા સયાજીરાવની એક્સપેરિમેન્ટલ સ્કૂલના ભૂતપૂર્વ વિદ્યાર્થીઓ એ પોતાની વિદ્યાશાળા માટે ખૂબ જ સારું અનુદાન કર્યું. શાળાના એલ્યુમિનાય દ્વારા શાળાને 7 લાખ જેટલું અનુદાન કરવામાં આવ્યું છે. જેમાં શાળાને કમ્પ્યુટર લેબ, આર.ઓ. વોટર પ્લાન્ટ, વગેરેની સુવિધા કરી આપવામાં આવી છે.
આવનારા સમયમાં આ ભુતપૂર્વ વિદ્યાર્થીઓ દ્વારા આ લેબમાં એ.સી. પણ લગાવી આપવામાં આવશે. હાલમાં આ કોમ્પ્યુટર લેબમાં 30 જેટલા કોમ્યુટર મુકવામાં આવેલ છે. તદુપરાંત જરૂરી તમામ સુવિધા પૂરી પાડવામાં આવશે. આ ભુતપૂર્વ વિદ્યાર્થીઓ વર્ષ 1972 થી 1976 ના સમયગાળા દરમિયાન શાળામાં અભ્યાસ કર્યો હતો. આ કોમ્પ્યુટર લેબનું ઉદ્ઘાટન મહારાજા સયાજીરાવ યુનિવર્સિટીના ચાન્સેલર રાજમાતા સુભાંગીની રાજે ગાયકવાડ તથા વાઈસ ચાન્સેલર ડો. વિજયકુમાર શ્રીવાસ્તવના હસ્તે કરવામાં આવ્યું.
Advertisement
