ભરૂચના ઝાડેશ્વર ચોકડી નજીકથી વાહનચોરીના રીઢા આરોપીને ઝડપી પાડતી એલ.સી.બી.

ભરૂચ શહેરના ઝાડેશ્વર ચોકડી નજીકથી એક્ટિવા મોપેડ સાથે રીઢા ચોરને ભરૂચ લોકલ ક્રાઇમ બ્રાન્ચે ઝડપી પાડયો હતો. ગઇકાલે તા.22-7-22 ના રોજ ભરૂચ એલ.સી.બી પોલીસ ઝાડેશ્વર ચોકડી ખાતે નેશનલ હાઇવે ઉપર પેટ્રોલીંગમાં હતી દરમ્યાન બાતમી મળેલ કે ભરૂચથી અંકલેશ્વર તરફ જતાં એક ઈસમ શંકાસ્પદ હાલતમાં એક્ટિવા મોપેડ સાથે જણાઈ આવેલ. મળેલ બાતમીના આધારે તપાસ કરતાં જૂના નેશનલ હાઇવે ઉપરથી શંકાસ્પદ એક્ટિવા મો.સાયકલ સાથે એક ઈસમને ઝડપી તેના કબ્જામાંથી મળેલ મોપેડ નં.GJ-16-BM-3034 ના આર.ટી.ઓ ના કાગળો તેમજ આધારપુરાવા માંગતા રજૂ કરેલ નહીં. જેથી પોકેટ કોપ મોબાઈલથી ખાત્રી કરતાં એક્ટિવા ચોરી કરેલ હોવાનું માલૂમ પડતાં મોટરસાયકલની ચોરી બાબતે ભરૂચ સી ડિવિઝન પો.સ્ટે માં ગુનો રજીસ્ટર થયાનું ખાત્રી કરી એક્ટિવા કબ્જે કરી આરોપી મુકેશ ઉર્ફે ભાગો રમણ વસાવા રહે. ફાટાતળાવ, વૈરાગીવાડ, ભરૂચની અટક કરવામાં આવેલ છે.