ભરૂચ જીલ્લાના ઝઘડિયા તાલુકાના ઉમલ્લા ગામે બેન્ક ઓફ ઇન્ડિયાના ૧૧૭ મા સ્થાપના દિવસની ઉજવણી કરવામાં આવી. ઉમલ્લાની બેન્ક ઓફ ઇન્ડિયાની શાખામાં આયોજિત કાર્યક્રમમાં બેન્કનો સ્થાપના દિવસ મનાવાયો. આ પ્રસંગે ઉમલ્લાના સામાજિક અગ્રણી તેમજ નિવૃત્ત શિક્ષક જે.પી.પંડયાના હસ્તે દિપ પ્રાગટ્ય કરી કાર્યક્રમને ખુલ્લો મુકવામાં આવ્યો હતો.
ઝઘડિયા તાલુકાના સહકારી આગેવાન અછાલીયાના સંતશરણ રાવ તેમજ ઉમલ્લાના વેપારી સુલતાન ખત્રીના હસ્તે કેક કાપી સહુને શુભકામનાઓ પાઠવવામાં આવી હતી. આ પ્રસંગે શાખા મેનેજર મોહમ્મદઆસિફ હુસેન તેમજ સહાયક મેનેજર રોબિન ભગત તથા ભીમસિંહ મીના, કુલદીપ અગ્રવાલ દ્વારા ગ્રાહકોને બેન્કની સેવાઓનો લાભ લેવા અનુરોધ કરાયો હતો. અંતે બેન્કના મહિલા કર્મચારી હેતવીબેન દ્વારા કાર્યક્રમને સફળ બનાવવા બદલ ઉપસ્થિત ગ્રાહકો અને અગ્રણીઓનો આભાર માનવામાં આવ્યો હતો.
ગુલામહુશેન ખત્રી રાજપારડી જી.ભરૂચ
