માંગરોળ તાલુકાના વાંકલ ગામે આવેલ સરકારી સાયન્સ કોલેજ ખાતે ભાજપ દ્વારા વડાપ્રધાન નરેન્દ્રભાઈ મોદીના જન્મદિવસની ઉજવણી નિમિત્તે હિમોગ્લોબિન ચેકઅપ કેમ્પ યોજવામાં આવતા 100 જેટલી મહિલાઓએ આ કેમ્પનો લાભ લીધો હતો. વડાપ્રધાન નરેન્દ્રભાઈ મોદીના જન્મદિવસ તારીખ 17 મી સપ્ટેમ્બરથી 2 ઓક્ટોબર સુધી વિવિધ સેવા કાર્યો થકી જન્મદિવસની ઉજવણી થઈ રહી છે જેના ભાગરૂપે વાંકલ સરકારી વિજ્ઞાન કોલેજ ખાતે હિમોગ્લોબીન ચેકઅપ કેમ્પનું આયોજન કરવામાં આવ્યું હતુ. આ સમયે જિલ્લા ભાજપના મહામંત્રી દીપકભાઈ વસાવા, તાલુકા પંચાયત સભ્ય ડો. યુવરાજસિંહ સોનારીયા, હર્ષદભાઈ ચૌધરી, તાલુકા ભાજપ પ્રમુખ મુકુંદભાઈ પટેલ, મહામંત્રી રમેશભાઈ ચૌધરી, તાલુકા પંચાયત સદસ્ય શકુંતલાબેન ચૌધરી, ભાજપ મહિલા મોરચાના પ્રમુખ રંજનબેન તરસાડીયા વગેરે આગેવાનો હાજર રહ્યા હતા.
વિનોદ મૈસૂરિયા : વાંકલ
Advertisement
