ઠાસરામાં નર્મદા વસાહત કોલોનીના બ્લોક સી મકાન નંબર 13 માં રહેતા હિરેનભાઈ સુરજીભાઈ વસાવા ગતરોજ સવારે એકટીવા લઇને ઠાસરાના ડાકોર રોડ ઉપરથી પસાર થઈ રહ્યા હતા. ત્યારે પુરાપાટે આવતી વેગેનાર કારના ચાલકે ઉપરોક્ત એકટીવાને પાછળથી ટક્કર મારી હતી. જેથી એકટીવા ચાલક હિરેનભાઇ વાહન ઉપરથી રોડ ઉપર પડ્યા હતા.
હિરેનભાઈને શરીરે ગંભીર ઈજાઓ થઈ હતી આસપાસના લોકો દોડી આવ્યા હતા. અને તુરંત 108 એમ્બ્યુલન્સ મારફતે ઠાસરાના સરકારી દવાખાનામાં લઈ જવામાં આવ્યા હતા. જોકે ઘવાયેલા હિરેનભાઈની હાલત નાજુક હોવાના કારણે તેઓને વધુ સારવાર અર્થે કરમસદની ખાનગી હોસ્પિટલ ખાતે લઈ જવામાં આવ્યા હતા. જ્યાં ફરજ પરના તબીબે હિરેનભાઈને મૃત જાહેર કર્યા હતા. પોલીસે ગુનો નોંધી વધુ તપાસ હાથ ધરી દીધી છે.
Advertisement
નરેશ ગનવાણી : નડિયાદ
