ભરૂચ એલસીબી ની ટીમે ઝઘડિયા ખાતેથી ભારતીય બનાવટનો વિદેશી દારુનો જથ્થો ઝડપી લઇને કુલ બે ઇસમો સામે ઝઘડિયા પોલીસમાં ફરિયાદ લખાવી હતી. ભરૂચ જિલ્લા એલસીબીની ટીમને ઝઘડિયા વિસ્તારમાં નાઈટ પેટ્રોલિંગ દરમિયાન બાતમી મળી હતી કે ઝઘડિયા ટાઉનના હનુમાન ફળિયામાં રહેતા મુકેશ ઝીણુ રાવળે ગેરકાયદેસર વગર પાસ પરમીટનો ભારતીય બનાવટનો વિદેશી દારૂનો જથ્થો લાવી તેના ઘરની બાજુમાં ખુલ્લા મેદાનમાં રાખેલ છે.
એલસીબી પોલીસે બાતમી મુજબના સ્થળે છાપો મારતા મુકેશ રાવળ સ્થળ પર હાજર હોય તેને ઝડપી લીધો હતો. તેના ઘરની બાજુમાં ખુલ્લા મેદાનમાં તપાસ કરતા પોલીસને વિદેશી દારૂની બોટલો મળી આવી હતી. જિલ્લા એલસીબી એ ભારતીય બનાવટના વિદેશી દારૂની રૂપિયા ૭૨,૩૦૦ ની કિંમતની કુલ ૭૨૩ નંગ બોટલો કબજે લીધી હતી. ઝડપાયેલ ઇસમ મુકેશ રાવળની પૂછપરછ કરતા તેણે આ દારૂનો જથ્થો પોતાના આર્થિક ફાયદા માટે વેચાણ કરવા લાવેલ અને આ મુદ્દામાલ સતીશ ચંદુ વસાવા રહે નવાગામ કરાવેલ તા. અંકલેશ્વરના આપી ગયેલ હોવાનું જણાવ્યું હતું. આ સંદર્ભે જિલ્લા એલસીબી ની ટીમે મુકેશ ઝીણું રાવળ રહે. ઝઘડિયા તેમજ સતીશ ચંદુ વસાવા રહે. નવાગામ કરાવેલ તા. અંકલેશ્વરના વિરુધ્ધ ઝઘડિયા પોલીસમાં ફરિયાદ લખાવી હતી.
ગુલામહુશેન ખત્રી રાજપારડી જી.ભરૂચ
