ભરૂચ જીલ્લાના ઝઘડિયા તાલુકાના અશા ગામના સતિષભાઇ સુરેશભાઈ વસાવા નામના ૨૧ વર્ષીય યુવકે ઉમલ્લા નજીક રોડની બાજુમાં આવેલ કેનાલ પાસે ખેતરના શેડા પર એક ઝાડ ઉપર ગળાફાંસો ખાઇ લેતા તેનું મોત નીપજ્યુ હતુ.
મળતી વિગતો મુજબ અશા ગામનો આ યુવક ઘરેથી પીએફના નાણાં ઉપાડવાનું કહીને નીકળ્યો હતો. ત્યારબાદ ઝાડ પર તેનો ફાંસો ખાધેલ દશામાં મૃતદેહ જણાયો હતો. આ અંગે સુરેશભાઇ વસાવા રહે.અશા તા.ઝઘડિયા જી.ભરૂચનાએ ઉમલ્લા પોલીસને જાણ કરતા પોલીસે મૃતદેહનો કબજો લઇને સરકારી દવાખાને પીએમ કરવા મોકલ્યો હતો. ઘટના સંદર્ભે પોલીસે જરુરી કાર્યવાહી હાથ ધરી હતી.
Advertisement
ગુલામહુશેન ખત્રી રાજપારડી જી.ભરૂચ
