અંકલેશ્વર શહેર એ ડિવિઝન પોલીસ મથકના કર્મીઓ પેટ્રોલીંગમાં હતા દરમિયાન મળેલ બાતમીના આધારે દિવા રોડ પર આવેલ મંગલમૂર્તિ સોસાયટીની પાછળ આવેલ ઝૂંપડપટ્ટી નજીકથી ચોરીની મોટરસાયકલ સાથે એક ઇસમને પકડી પાડવામાં આવ્યો હતો.
જે બાદ અંકલેશ્વર એ ડિવિઝન પોલીસે ઝડપાયેલ ઈસમ સંદીપકુમાર બાબુભાઇ પ્રજાપતિ રહે, કૃષ્ણનગર અંકલેશ્વર નાઓની સઘન પૂછપરછ કરતા તેના ઘર નજીક થી ચોરીમાં ગયેલ અન્ય બે એક્ટિવા પણ પોલીસે કબ્જે કરી હતી,જે બાદ ઝડપાયેલ ઈસમ સંદીપ સામે શહેર એ ડિવિઝન પોલીસે ગુનો નોંધી તેની સામે કાયદેસરની કાર્યવાહી હાથધરી છે.
અંકલેશ્વરમાંથી ઝડપાયેલો ભેજાબાજ ઈસમ પ્રથમ અંકલેશ્વરના સોસાયટી વિસ્તારોમાં ફરીને રેકી કરતો હતો જે બાદ તે બાઇક તથા મોટરસાયકલની ચોરી કરી લઇ જઇ તેની નંબર પ્લેટ કાઢી નાંખી બાઇકના સ્પેરપાર્ટ છુટા કરીને ભંગારમાં વેચી દેતો હતો. જોકે તેના સાતીર ગુનાહિત દિમાગ આખરે તેને જેલના સળિયા પાછળ ધકેલાયો છે.
હારુન પટેલ : ભરૂચ
મો. 99252 22744
