બરોડા મેડિકલ કોલેજના વિદ્યાર્થીઓ માટે આજે પદ વિધાન સમારંભ યોજાયો હતો અભ્યાસ સાથે વિદેશ જવા માંગતા વિદ્યાર્થીઓને ડિગ્રીની જરૂર હોવાથી આ આયોજન મહારાજા સયાજીરાવ વિશ્વવિદ્યાલય દ્વારા કરવામાં આવ્યું હતું.
42 મો પૂરક પદ વિધાન સમારોહ મેડિકલ કોલેજ વડોદરાના ઓડિટોરિયમ ખાતે યોજાયો હતો જેમાં 350 જેટલા ગ્રેજ્યુએટ અને પોસ્ટ ગ્રેજ્યુએટ વિદ્યાર્થીઓને ડિગ્રી એનાયત કરવામાં આવી હતી. અત્રે નોંધનીય છે કે વિદ્યાર્થીઓએ રજૂઆત કરી હતી કે વિદેશમાં અભ્યાસ કરવા ડિસેમ્બર મહિનો પૂરો થાય તે પહેલા પ્રવેશ પ્રક્રિયા પૂરી કરવાની હોય છે જેની માટે ડિગ્રીની જરૂર પડતી હોવાથી મેડિસિન ફેડર ટી ના પૂરક પદ વિધાન સમારોહનું આયોજન કરવામાં આવ્યું હતું.
Advertisement
