થરાદ પોલીસ સ્ટેશન વિસ્તારમાંથી એક દારૂ ભરેલી ઇકો ગાડી બનાસકાંઠા એલ સી બી પોલીસે ઝડપી પાડી છે. જેમાં એલસીબી પોલીસે ગાડીમાંથી બીયરની બોટલ 1,321 જેટલી જપ્ત કરી, બે ઇસમોને પકડી પાડી કુલ 4,15,150 નો મુદ્દામાલ કબજે કરી કાયદે સરની કાર્યવાહી હાથ ધરી છે.
બનાસકાંઠા એલસીબી પોલીસ થરાદ પોલીસ સ્ટેશન વિસ્તારમાં પેટ્રોલીંગમાં હતી. તે દરમિયાન બાતમી મળી હતી કે, ખાનપુર ગામ નજીકથી ઇકો ગાડી દારૂ ભરીને હેરાફેરી કરે છે. જે બાતમીના આધારે એલ. સી. બી. પોલીસે ઇકો ગાડીની વોચ રાખતા એક શંકાસ્પદ ઇકો ગાડી (નંબર GJ 27 AH 0431) રોકી તપાસ કરી હતી. જે ઇકો ગાડીમાંથી ભારતીય બનાવટના વિદેશી દારૂ બીયરની બોટલ 1,321 મળી આવી હતી. ઇકો ગાડી સહિત કુલ 4,15,150 નો મુદ્દામાલ પકડી પાડી આરોપી સુરેશ ગણેશ ભાઇ વજીર તથા સંધા ગણેશભાઇ વજીર (બન્ને રહે. ખાનપુર તા.થરાદ) વિરુદ્ધ થરાદ પોલીસ સ્ટેશનમાં કાયદે સરની કાર્યવાહી હાથ ધરી છે.
