ભરૂચ તાલુકાના શુકલતીર્થ ગામની સીમમાં જુગાર રમતા પાંચ જુગારીઓ પોલીસે ઝડપી પાડતા જુગારીઓમાં ફફડાટ વ્યાપી જવા પામ્યો હતો. પોલીસ સૂત્રોના જણાવ્યા અનુસાર નબીપુર પોલીસને મળેલી બાતમીના આધારે શુકલતીર્થ ગામે દુબઇ ટેકરી ફળીયા પાસે આવેલ વોટર વર્ક્સની પાછળના ભાગે આવેલ ખુલ્લી પડતર જગ્યામાં આવેલ ઝાડના નીચે કેટલાક ઇસમો હાર જીતનો જુગાર રમતા હતા.
બાતમીના આધારે પોલીસે રેડ કરતા પાંચ ઇસમો ઝડપાઇ જવા પામ્યા હતા. જ્યારે ત્રણ ઇસમો ભાગી જવામાં સફળ રહ્યા હતા. ઝડપાયેલા ઇસમોની અંગ ઝડતીમાંથી કુલ રોકડારૂપિયા ૬૭૧૦/- તથા દાવ ઉપરના ૩૫૫૦/ તથા મોબાઇલ ફોન નંગ ૨ કિ.રૂ ૧૪૦૦ મળી કુલ કિ.રૂ ૧૧,૬૬૦./ સાથે આરોપીઓને ઝડપી પાડી ગણના પાત્ર જુગાર કેસ શોધી કાઢી કાયદેસર કાર્યવાહી હાથ ધરી હતી.
Advertisement
