ભરૂચ એસ.ઓ.જી એ શંકાસ્પદ મેન્કોઝેબ કેમિકલ પાવડર સાથે બે ઈસમોની અટકાયત કરી

ભરૂચ સ્પેશિયલ ઓપરેશન ગ્રુપના કર્મીઓ અંકલેશ્વરના નોબલ માર્કેટ પાસે પેટ્રોલિંગમાં હતા તેમજ શંકાસ્પદ વાહનોનું ચેકીંગ કરી રહ્યા હતા દરમ્યાન એક છોટા હાથી ટેમ્પો નંબર જી.જે 16 AW 0992 ને રોકી ચેક કરતા ટેમ્પોના પાછળના ભાગે પ્લાસ્ટિકની બેગમાં નંગ 3 માં મેન્કોઝેબ કેમિકલ પાવડર મળી આવ્યો હતો.

એસ.ઓ.જી પોલીસ દ્વારા કેમિકલ મુદ્દે બિલ કે આધાર પુરાવા માંગતા ટેમ્પો ચાલાક પાસેથી યોગ્ય જવાબ ન મળતા તેમજ આધાર પુરાવા ન મળતા પોલીસ દ્વારા મામલે (1) માણેકભાઈ ભૂલારામ દેવાસી રહે, ભડકોદ્રા અંકલેશ્વર (2) જબ્રારામ ઊર્ફે જગદીશ વક્તાજી પુરોહિત રહે. ભડકોદ્રા અંકલેશ્વર નાઓને ટેમ્પો કેમિકલ પાઉડર સહિત 3,44,400 ના મુદ્દામાલ સાથે ઝડપી પાડી તેઓ સામે ગુનો દાખલ કરી કાયદેસરની કાર્યવાહી હાથધરી છે.