Proud of Gujarat
FeaturedGujaratINDIA

પાલેજ નગરમાં પુનઃ વાતાવરણમાં પલટા સાથે વરસાદ વરસ્યો.

Share

ભરૂચ જિલ્લાના પાલેજ નગર સહિત પંથકમાં ઉનાળાના આગમન ટાણે પુનઃ અચાનક વાતાવરણમાં પલટો આવતા નગરજનો અચંબિત થઈ ઉઠ્યા હતા. મંગળવારે બપોર બાદ નગરના વાતાવરણમાં અચાનક પલટો આવ્યો હતો અને કાળા ડીબાંગ વાદળોની ફોજ આકાશમાં ચડી આવી હતી. જોતજોતામાં વીજળીના ચમકારા અને વાદળોના ગડગડાટ સાથે વરસાદ વરસતા વાતાવરણ આહલાદક બનવા પામ્યું હતું. લગભગ અડધો કલાક સુધી વરસાદ વરસ્યો હતો. હાલ ઉનાળાની ઋતુનો પ્રારંભ થયો હોય ત્યારે ફરી એકવાર પાલેજ પંથકમાં અચાનક વાતાવરણમાં પલટો આવ્યો હતો.

ગત સપ્તાહમાં પણ પાલેજ પંથકમાં બરફના કરા સાથે વરસાદ વરસ્યો હતો. ત્યારે પુનઃ મંગળવારે પણ વરસાદ વરસતા લોકોમાં અચરજ ફેલાયું હતું અને શું ગ્લોબલ વોર્મિંગની અસરોના કારણે વાતાવરણમાં પલટો આવ્યો છે ? એવી પણ લોકમુખે ચર્ચાઓ સાંભળવા મળી હતી. ફાગણ માસમાં જાણે કે અષાઢી માહોલ સર્જાયો હોય એવા દ્ર્શ્યો સર્જાયા હતા. કમોસમી વરસાદને પગલે ખેડૂતો પણ વિમાસણમાં મુકાઇ ગયા છે. પાલેજ પંથકના ગ્રામ્ય વિસ્તારોમાં પણ વરસાદ વરસ્યાના અહેવાલ સાંપડ્યા હતા. કમોસમી વરસાદથી ખેતીના પાકોને નુકસાન થવાની ભીતિ ધરતીપુત્રો સેવી રહ્યા છે. વરસાદને પગલે નગરના માર્ગો પરથી પાણી વહી નીકળ્યા હતા.

યાકુબ પટેલ, પાલેજ

Advertisement

Share

Related posts

અંકલેશ્વર:ખુલ્લી કાંસોમાં કોઈ બેજવાબદાર ઉદ્યોગકારો દ્વારા લાલ કલરનું કેમિકલયુક્ત પાણી છોડાતા ચકચાર…

ProudOfGujarat

અંકલેશ્વર : શ્રીમતી જયાબેન મોદી હોસ્પિટલ સંચાલિત જે બી મોદી કેન્સર સેન્ટરમાં દર્દીઓની સંખ્યા ૩૦૦ એ પહોંચતા કેક કાપી દર્દીઓનો ઉત્સાહ વધાર્યો.

ProudOfGujarat

ભરૂચ : ને.હાઇવે નંબર ૪૮ પર વરેડિયા નજીક ટ્રકે મોટરસાયકલને ટક્કર મારતાં અક્સ્માત સર્જાયો.

ProudOfGujarat

Leave a Comment

error: Content is protected !!