મકાન માલિકે ફરિયાદ નોંધાવતાં પોલીસે તપાસ હાથ ધરી
ભરૂચની અવધૂત નગર સોસાયટીના રહિશને ત્યાં કામવાળી બાઈ એ રૂ. સવા નવ લાખ ઉપરાંતના મુદ્દામાલનો તગડો હાથ મારી જતા ચકચાર માચી જવા પામી છે.
અવધૂત નગર સોસાયટીમાં રહેતા અમરજીતસિંહ કેસરસિંહ સહાની ના ઘરના બેડરૂમમાં રહેલી તિજોરીમાં તેઓના પિતાએ બચત કરેલા રૂ.સવા નવ લાખ મુકેલા હતા. જેની ચોરી તેમના ત્યાં છેલ્લા દસ વર્ષથી કામ કરતી કામવાલી બાઈ મંજૂલાબેન રાઠોડ આ તિજોરીની ચાવી થી ખોલી તેમાંથી ચોરી કરી ગયા અંગેની ફરિયાદ ભરૂચ સી ડિવિઝન પોલીસ મથકે અમરજીતસિંહ એ નોંધાવી છે. ફરિયાદના આધારે સી ડિવિઝન પોલીસે કાયદેસરની કાર્યવાહી હાથ ધરી આ કામની આરોપી મહિલા ને ઝડપી પાડી તેની પૂછતાછ માટેની કાર્યવાહી હાથ ધરી છે.
અત્રે એ વાતનો ઉલ્લેખ કરવો રહ્યો કે થોડા સમય પૂર્વે આ રીતે પ્રીતમ નગરના રહીશ ને ત્યાં પણ કામવાળી બાઈ એ તેના પતિની મદદથી રૂ. સવા દશ લાખની ચોરી કરી હતી. જેને પોલીસે ગણતરીના કલાકો માં ઝડપી પાડી હતી.
ત્યારે અવધૂત નગર સોસાયટીની તે જ પ્રકારની આ ચોરીના બનાવમાં પોલીસ કેટલા સમયમાં સફળતા મેળવે છે અને તેમાં અન્ય કોઈની સંડોવણી બહાર આવે છે કે કેમ તે જોવું રહ્યું.
