ભરૂચ જિલ્લામાં ગુનાખોરીને ડામવા માટે જિલ્લાના વિવિધ વિસ્તારોમાં પોલીસ વિભાગ દ્વારા સધન ચેકીંગ અને પેટ્રોલિંગ કરવામાં આવી રહ્યું છે, અનેક ગુનેગારોને ઝડપી પાડી જેલના સળીયા પણ ગણતા કર્યા છે તેવામાં વધુ એક બાઈક ચોરને પોલીસે ઝડપી પાડ્યો છે.
ભરૂચ ક્રાઇમ બ્રાંચ દ્વારા બાતમીના આધારે અંકલેશ્વરના અંબિકા નગર સોસાયટી ખાતે દરોડા પાડ્યા હતા જ્યાં ચોરીની બાઈક સાથે એક ઈસમને ઝડપી પાડ્યો હતો, જે બાદ ઈસમની પૂછપરછ હાથ ધરવામાં આવતા તે ભાંગી પડ્યો હતો અને આ બાઈક આશરે એક વર્ષ અગાઉ તેણે ચોરી કરી હોવાની કબૂલાત કરી હતી.
Advertisement
ક્રાઇમ બ્રાંચ દ્વારા મામલે નરેશભાઈ ચુનીલાલ ગાંધી રહે, અંબિકા નગર સોસાયટી અંકલેશ્વર નાઓની ધરપકડ કરી તેની સામે કાયદેસરની કાર્યવાહી હાથધરી હતી.
