ન્યુ વીઆઇપી રોડ પર થી ચાલતા જતા વેપારીના ગળામાંથી સોનાની ત્રણ તોલાની ચેન તોડીને બાઈક પર આવેલા ત્રણ આરોપીઓ ફરાર થઈ ગયા હતા
ન્યુ વીઆઇપી રોડ ખોડીયાર નગર ચાર રસ્તા પાસે અર્થ આઇકોન એકમાં રહેતા હિતેશ રાજુભાઈ બળવાણી સંગમ ચાર રસ્તા પાસે એસ.કે મોબાઇલની બાજુમાં સાંઈદીપ દાબેલી નામની દુકાન ચલાવે છે. ગઈકાલે તે રાતે દસ વાગે દુકાન બંધ કરીને ચાલતા ચાલતા વારસા રીંગરોડ થઈ ઘરે જતા હતા. નાયરા પેટ્રોલ પંપ સામેથી ખોડીયાર નગર ચાર રસ્તા તરફ રોડની ડાબી બાજુ ચાલતી સમયે તેઓ હાથમાં મોબાઈલ ફોનમાં મેસેજ જોતા હતા તે દરમિયાન રાત્રે 11:30 વાગ્યે પાછળથી ત્રણ સવારી બાઈક પર આવેલા આરોપીઓ જેઓ સરદારજી જેવા લાગતા હતા તેમણે હિતેશભાઈના ગળામાંથી સોનાની ચેન અંદાજે ત્રણ તોલા વજનની ચેન તોડીને ભાગી ગયા હતા. હિતેશભાઈ એ બૂમાબૂમ કરી હતી પરંતુ બાઇક સવાર અછોડા તોડ આરોપીઓ ભાગી છુટવામાં સફળ રહ્યા હતા અને બાઈકની નંબર પ્લેટ પણ ન હતી ત્યારબાદ તેમણે પોલીસ કંટ્રોલ રૂમમાં ફોન કર્યો હતો.
