મોરબી શહેર અને તાલુકામાં રખડતા ઢોરનો ત્રાસ દિન પ્રતિદિન વધી રહ્યો છે જેમાં મકનસર ગામમાં આજે ૫૫ વર્ષીય આધેડને આખલાએ અડફેટે લેતા સારવાર માટે હોસ્પિટલ ખસેડાયા છે.
મોરબીના મકનસર ગામમાં ગત તા. ૦૩ ના રોજ આખલાનો ત્રાસ જોવા મળ્યો હતો જેમાં ગામમાં ૫૫ વર્ષીય આલાભાઇ રબારી શેરીમાં હોય ત્યારે આખલાએ આલાભાઇને ઉડાડ્યા હતા જેથી આધેડને મોઢામાં ફ્રેકચર અને પગમાં ઈજા પહોંચતા સારવાર માટે શહેરની ખાનગી હોસ્પિટલ ખસેડાયા હતા જે સમગ્ર ઘટના સીસીટીવીમાં પણ કેદ થઇ છે જેમાં આખલા દોડતા આવીને આધેડને ઉલાળીને જતા રહે છે.
Advertisement
મોરબી શહેરમાં પણ રખડતા ઢોરનો ત્રાસ અનેક વખત જોવા મળ્યો છે તો હવે તાલુકાના મકનસર ગામમાં આખલાએ આધેડને અડફેટે લેતા ગ્રામજનોમાં રોષ ભભૂકી ઉઠ્યો છે અને આવા રખડતા ઢોરના ત્રાસમાંથી કાયમી મુક્તિ આપવા માટેની માંગ કરી રહ્યા છે.
