ભરૂચ જિલ્લામાં દારૂ -જુગાર જેવી પ્રવૃતિઓ ઉપર લગામ લગાવવા માટે ઉચ્ચ પોલીસ અધિકારીઓના માર્ગદર્શન હેઠળ સતત જિલ્લાના વિવિધ પોલીસ મથકોના કર્મીઓ અલગ અલગ સ્થળે નશાનો વેપલો કરતા તત્વો સામે લાલઆંખ કરી તેઓને જેલના સળીયા ગણતા કરી રહ્યા છે, તેવામાં વધુ એકવાર ક્રાઇમ બ્રાંચ દ્વારા વાલિયા વિસ્તારમાં નશાનો વેપલો કરતા ઈસમો સામે સપાટો ચલાવ્યો હતો.
વાલિયાના પીઠોર ગામ પાસે ક્રાઇમ બ્રાંચના કર્મીઓ પેટ્રોલિંગમાં હતા દરમ્યાન મળેલ બાતમીના આધારે તળાવ ફળિયામાંથી નરેશભાઈ ઠાકોરભાઈ વસાવાના ઘરના પાછળના ભાગે વાડામાં સંતાડેલ ભારતીય બનાવટના વિદેશી શરાબની નાની મોટી કુલ 252 નંગ બોટલ મળી કુલ 42 હજાર ઉપરાંત નો મુદ્દામાલ કબ્જે કરી બુટલેગર નરેશભાઈ વસાવાની ધરપકડ કરી તેની સામે કાયદેસરની કાર્યવાહી હાથ ધરવામાં આવતા નશાનો વેપલો કરતા તત્વોમાં ફાફડાટનો માહોલ છવાયો છે.
Advertisement
