ભડકોદ્રા રોડ પરથી દારૂ ભરેલ રીક્ષા ઝડપાઈ

અંકલેશ્વરનાં ભડકોદ્રા પાસેથી રૂપિયા દશ હજાર ઉપરાંતના વિદેશી દારૂ ભરી રીક્ષા ઝડપાઈ જવા પામી હતી પરંતુ ચાલક ફરાર થઇ જવા પામ્યો હતો.

અંકલેશ્વર જી.આઈ.ડી.સી પોલીસનો સ્ટાફ પેટ્રોલિંગમાં હતો તે દરમ્યાન ભડકોદ્રા પાસેથી ગામમાં જવાના રોડ પરથી શંકાસ્પદ હાલતમાં રીક્ષા જણાતા તેની તપાસ હાથ ધરી હતી. તપાસમાં રીક્ષા નંબર જીજે ૧૬ એટી ૮૦૮૦ માંથી ૧૮૦ એમ.એલની ૧૦૮ નંગ દારૂની બોટલો મળી આવી હતી.

પોલીસે રૂપિયા ૧૦,૮૦૦ ની કિંમતનો દારૂ તેમજ રૂપિયા ૮૦,૦૦૦/- ની રીક્ષા મળી કુલ રૂપિયા ૯૦,૮૦૦/- નાં મુદ્દામાલ જપ્ત કરી રીક્ષાચાલકની શોધ આદરી છે. જેના પગલે બુટલેગરોમાં ફફડાટ વ્યાપી જવા પામ્યો છે.

આગળની તપાસ પી.એસ.આઈ જે.કે ડાંગર ચલાવી રહ્યા છે.