માંગરોળના ઝંખવાવ ગામે મોહરમ તહેવાર નિમિત્તે તાજીયા જુલુસ નીકળ્યું

માંગરોળ તાલુકાના ઝંખવાવ ગામે મોહરમના તહેવાર નિમિત્તે મુસ્લિમ બિરાદરો તાજીયા જુલુસ કાઢી તહેવારની ઉજવણી કરી હતી. સુંદર આકર્ષક તાજીયા સમિતિ દ્વારા તૈયાર કરવામાં આવ્યા હતા અને બપોરે ઝંખવાવ ગામના મુસ્લિમ બિરાદરો ગફુરભાઈ મુલતાની, બક્ષુ લાખા મુલતાની, હારૂન મનુ મૂલતાની, હુસેન મુલતાની, સત્તાર ખાનુ, અલ્તાફ શેરખા વગેરેની ઉપસ્થિતિમાં નવા ફળીયા અને મુલતાની ફળિયાથી મુખ્ય બજાર સુધી જુલુસ કાઢવામાં આવ્યું હતું ત્યારબાદ મુખ્ય બજારથી નજીકમાં આવેલા સેલારપુર નદીમાં તાજીયા વિસર્જિત કરવામાં આવ્યા હતા. આ પવિત્ર તહેવાર નિમિત્તે ઝંખવાવ ગામ અને આજુબાજુ ગામના મુસ્લિમ બિરાદરો એ તાજીયા તહેવારની ખૂબ ઉમંગથી ઉજવણી કરી હતી.