ચાવજ રેલ્વે ટ્રેક પર ટ્રેનની અડફેટે અજાણી મહિલાનું મૃત્યુ

ચાવજ રેલ્વે ફાટક પાસે રાત્રીના સુમારે કોઈક ટ્રેનની અડફેટે આવી જતા અજાણી મહિલાનું મૃત્યુ થયું હતું. જેની ઓળખ કાર્યવાહી પોલીસ દ્વારા હાથ ધરવામાં આવી હતી.

ભરૂચ વડોદરા વચ્ચેના રેલ્વે ટ્રેક પર ચાવજ રેલ્વે ફાટક થી બે કિલોમીટર દૂર કોઈક ટ્રેનની અડફેટે આવી જતા ૪૫ થી ૫૦ વર્ષની અજાણી મહિલાનું કમકમાટી ભર્યું મૃત્યુ થયું હતું. તે અંગેની જાણ ભરૂચ સી ડીવીઝન પોલીસના પી.આઈ આર.ડી કવાને જાણ થતા હદ અંગેના કોઈ વિવાદમાં પડ્યા વિના સામાજિક કાર્યકર ધર્મેશ સોલંકીને તેની માહિતી આપી તેઓની મદદથી અજાણી મહિલાનો મૃતદેહ પોસ્ટમોર્ટમ અર્થે ભરૂચ સિવિલ હોસ્પિટલ ખાતે રવાના કર્યો હતો.