નડિયાદ શહેરના પશ્ચિમ વિસ્તારમાં આવેલ સ્ટેટ બેંકની બાજુના મકાનમાં આગ લાગતા નાસભાગ મચી ગઈ હતી. ઘટના અંગે ફાયર બ્રિગેડને જાણ થતા ફાયર વિભાગનો સ્ટાફ ઘટના સ્થળ પર પહોંચી ગયો હતો. જ્યાં પાણીનો છંટકાવ કરી આગ પર કાબુ મેળવવામાં આવ્યો હતો. ફાયર બ્રિગેડના સુત્રો તરફથી મળતી વિગત મુજબ મકાનમાં એક જ વ્યક્તિ રહેતો હતો, જે ઘટનામાં દોડીને બહાર આવી જતા કોઈ જાનહાનિ થઈ ન હતી. ઘટનાને પગલે મકાનમાં ગાદલા, બેડ, સહિતની ઘરવખરી સામાન બળીને ખાખ થઈ ગયો હતો. જે મકાનમાં આગ લાગી હતી, તેની બાજુમાં જ સ્ટેટ બેંકની શાખા આવેલી છે. સારી બાબત એ રહી કે આગ વધુ ફેલાઈ ન હતી અને બેંક સુધી પહોંચી ન હતી.
નરેશ ગનવાણી : નડિયાદ
Advertisement
