અંકલેશ્વર સ્થિત અને લાયન્સ કલબ સંચાલિત લાયન્સ સ્કૂલનો રજતજયંતી સમારોહનું આયોજન તા. ૨૬મી જાન્યુઆરીના રોજ કરાયું હતું.
નોંધનીય છે કે પ્રતિવર્ષ યોજાતા અને રાજ્યકક્ષાએ પણ વ્યાપક પ્રસિદ્ધિ પામનાર અંકલેશ્વર લાયન્સ કલબના ગરબામાંથી આવક સ્કૂલ પાછળ જ ખર્ચાય છે. આવી પ્રતિષ્ઠિત લાયન્સ સ્કૂલને ૨૫ વર્ષ પૂર્ણ થતા તેના રજતજયંતી મહોત્સવમાં વિદ્યાર્થીઓ દ્વારા રંગારંગ કાર્યક્રમ રજૂ કરાયો હતો તેમજ શાળાના ભૂતપૂર્વ ચેરમેનોનો સન્માન સમારોહ પણ યોજાયો હતો. આ કાર્યક્રમમાં અંકલેશ્વર નાં કે.પટેલ ગ્રુપ ઓફ ઇન્ડસ્ટ્રીઝનાં મેનેજીંગ ડીરેક્ટર જીતેન્દ્ર મેઘજીભાઈ પટેલ ઉપસ્થિત રહ્યા હતા.
રંગારંગ કાર્યક્રમમાં શાળાના વિદ્યાર્થીઓએ અનેક સાંસ્કૃતિક કૃતિઓ અને ગીત – સંગીત રજુ કર્યા હતા. જેને ઉપસ્થિત વાલીઓ અને શિક્ષકોએ બિરદાવ્યા હતા. આ કાર્યક્રમમાં અગ્રણી ઉદ્યોગપતિ જીતેન્દ્ર પટેલ તથા અન્ય આગેવાનો ઉપસ્થિત રહ્યા હતા.
